فوزاير شمساوى فى رمضان والجائزة كارت شحن

اجابة الفزورة اللى فاتت هى حر الحاء فعلا ( ح )
وهتتحسب لميجو لانه جاوبها الاول وبالتفصيل كمان

ميعدنا دلوقتى مع الفزورة رقم ( 8 )

فوازير رمضان فزورة ( 8 )

صفة على المواشى تطلق *** وهى على الأنسان أيضا تصدق

حروفها أربعة فى ذيلها *** سورة قران وحى يرزق

فى نصفها الموت الزؤام واضح *** وعملة فى نصفها قد تنفق

بغير رأس فيه ظلم بين *** فى قلبها مليحة تصفق

وإن جمعت رأسها مع ذيلها *** يوجد فى كل فم يمزق

من يعرف اللغز ومن يدركه *** بالصدق والصواب دايما ينطق

حاول وفكر ضحى الأجابة *** ذاك طريق الفوز والأصابة

اوعى تقول
حيرتنا يا ابن شمساوى بلغزك .. يا ليت ألغازك تصبح مثلك!
فأنت سهل والسهل طبعك .. أعطنا خيارات ولا تلكلك!
فإن لم تكن الخيارات عندك .. أبدلها بطروح والطيب أصلك

كل عام وأنتم بخير

سمين

سورة قرائنية اخرها يس

حى يرزق ن الحوت

فى نصفها الموت سم

اسم عملة ين يابانى

فى وسطها مليحة تصفق مى

واذا جمعت راسها مع زيلها يوجد فى كل فم سن الى هى السنان يعنى

يبقى ممكن تكون سمين

( سمين)

سوره قرانيه اخرها(سورة يس)

حي يرزق( الحوت)

في نصفها الموت( سم) يسبب الموت

اسم عمله (عملة ين)

في وسطها مليحه تصفق بنوته واسمها ( مي)

واذا جمعت راسها مع ذيلها يوجد في كل فم ( سن)(س+ن)

الحل سمين

أسف يا جماعة مقدرتش احط فزورة امبارح لظروف خارجة عن ارادتى اتمنى ان تتقبلوا اعتذارى

حل الفزورة السابقة هو السمين فعلا والاجابة هتتحسب لميجو لانه اول واحد قالها بالتفصيل

نكمل النهاردة مع الفزورة رقم ( 9 )

فوازير رمضان ( 9 )

فى منه فى القزايز

وصناعى برضوه جايز

بيتعايق ويترص

وبيسعد قلب الكل

لأن أصله قريب الفل

وبنشرب منه فى القزايز

ما هو ؟؟؟؟؟؟؟؟؟

حاول وفكر ضحى الأجابة *** ذاك طريق الفوز والأصابة

اوعى تقول
حيرتنا يا ابن شمساوى بلغزك .. يا ليت ألغازك تصبح مثلك!
فأنت سهل والسهل طبعك .. أعطنا خيارات ولا تلكلك!
فإن لم تكن الخيارات عندك .. أبدلها بطروح والطيب أصلك

كل عام وأنتم بخير

دا اية دا
العصير
هو الى بيتعبى فى قزايز
وفى منة الصناعى وفى الطبيعى كمان

وبيتشرب منة كمان برضة هو

انما قريب الفل معرفش

الثللج

اللبن
موجود فى القزايز
ومنه الصناعى اللى هو لبن بدرة
بيتعايق

اللبن سائل علشان كده بيتهز وهو فى القزايز

قريب الفل
لونه ابيض زى لون الفل

دكتور انوش
اجابتك 100/100 صح
انا قعدت ادور على حكاية الفل دى مفهمتهاش
تسلم ايدك

يارب ياميجو تكون صح والله انا لسه مش عارفة

للاسف يا جماعة كل الاجابات خاطئة

والاجابة الصحيحة هى الورد

فى منه فى قزايز لانه بيتحط كا زهرية

وصناعى برضوه جايز لان منه مياه المورد

و بيسعد قلب الكل لانه احيانا بيكون هدايا للاحباب و قريب الفل لانه الورد

حظ اوفر المرة القادمة

ميعدنا دلوقتى مع الفزورة رقم ( 10 )

هنتكلم عن شخصية لها حكاية فى السيرة والتاريخ الاسلامى وياريت اللى يعرف الحل علشان نستكمل الصورة

يضع لنا نبذة عن الحكاية وان شاء الله تكون سهلة على الجميع

ونشوف مع بعض الفزورة رقم 10

قبل المسير والجيوش يسترها مولانا ؟

قال النبى فيه خيانه ..والخبر جانا

اخوكم فلان عملها الليلة ويانا

كتب جواب ارسله لقريش لتحذيرها

من حمله المسلمين فيه كل اخبارها

وادًاه لواحده عليه تجدل ضفايرها

وبأجرها فى مسيرها ايده مليانه

مشيت معاها الخيانه فى طريق مكه

وهيه ضامنه الوصول ولكنزها مالكه

لكن على والزبير لحقوها فى السكه

حلق عليها الزبير اول ما قبلها

ولما شافت على خافت ليقتلها

وسلمت له الكتاب من بين جدايلها

وخاب املها وهيه فى شدة الربكه

رجعوا الصحابة يقولوا قمنا بالواجب

وادى الكتاب يا نبى قال احضروا الكاتب

بعتوا جابوه للنبى انت يا اللى كاتب

ليه كدا يا صحابى دا عظيم القدر

لك منزلة عندنا وازاى تاخدنا غدر

وليه تعمل كدا وانت حاربت فى بدر

مايصحش يا صحابى من الصاحب

قام رد صاحبنا وهو من الخجل عرقان

قال له وحقك انا مسلم وكلى ايمان

لكن انا شخص وحدانى ما ليش اعوان

لا ليه اهل وعشيرة عندهم ولا مال

وليه اولاد فى مكه وليه فيها عيال

صانعتهم لجل ما يعيشوا فى راحة بال

وانا على كل حال مؤمن ومش خوًان

لكن عمر ما اقتنعشى قال يا بو الاسلام

الصحاب اللى غدر يستاهل الاعدام

رد الحبيب النبى قال له الكلام ده تمام

لكنه لما انكشف امره وخاب ظنه

ظهر عليه الندم ..ع اللى حصل منه

واكمنه بدرى الرسول سامحه وعفا عنه

وكفايه انه سمع تأنيب ضميره تمام

حاول وفكر ضحى الأجابة *** ذاك طريق الفوز والأصابة

اوعى تقول
حيرتنا يا ابن شمساوى بلغزك .. يا ليت ألغازك تصبح مثلك!
فأنت سهل والسهل طبعك .. أعطنا خيارات ولا تلكلك!
فإن لم تكن الخيارات عندك .. أبدلها بطروح والطيب أصلك

حاطب بن ابي بلتعة

نبذة عن الحادثة

بعد صلح الحديبية دخلت قبيلة بني بكر في حزب قريش وانضمت قبيلة خزاعة الى رسول الله. فمن اعتدى على بني بكر كانما اعتدى على قريش ومن اعتدى على خزاعة فقد اعتدى على رسول الله والمدينة.
كان بين خزاعة و بني بكر ثارات كبيرة فغتنمت بني بكر الفرصة عندما علموا ان خزاعة يسقون الماء على الابار والعيون فذهب نوفل بن معاوية مع جنده وهجم على خزاعة وقتلوهم حتى هربت خزاعة للحرم تستنجد في بيت الله الحرام ولكن لم يرحموهم وقاتلوهم بمعاونة قريش.
وصل الخبر لرسول الله فغضب وامر الجيش ان يتجهز وجعل الامر سرا ولم يخبر الى خواصه.

فكتب حاطب ابن ابي بلتعة كتابا يخبر قريش بقدوم المسلمين واعطاه لامراة لتوصله لقريش فنزل الخبر من السماء لرسول الله فبعث علي والزبير ليرجعوا الكتاب.

عن عبد الرحمن بن حاطب: أن أباه كتب إلى كفار قريش كتاباً. فدعا رسول الله صلى الله عليه وسلم عليا والزبير ، فقال : (انطلقا حتى تدركا امرأة معها كتاب فأتياني به) فلقياها ، وطلبا الكتاب ، وأخبراها أنهما غير منصرفين حتى ينزعا كل ثوب عليها. قالت: ألستما مسلمين ؟ قالا: بلى ، ولكن رسول الله حدثنا أن معك كتاباً ، فحلته من رأسها. قال : فدعا رسول الله صلى الله عليه وسلم حاطباً حتى قرئ عليه الكتاب ، فاعترف فقال : (ما حملك ؟ ) قال : كان بمكة قرابتي وولدي ، وكنت غريباً فيكم معشر قريش. فقال عمر: ائذن لي يا رسول الله في قتله. قال : ( لا ، إنه شهد بدراً ، وإنك لا تدري ، لعل الله قد اطلع على أهل بدر فقال : اعملوا ما شئتم ، فإني غافر لكم). إسناده صالح. وأصله في الصحيحين.

حل الفزورة السابقة حاطب بن ابي بلتعة زى ما قالت دكتور انوش بالظبط

ودلوقتى ميعادنا مع الفزورة رقم ( 11 )

1- أين يوجد البحر الذى ليس به ماء ؟

2- ما هو الشئ الذى يستطيع أن يرفع أثقال ولا يستطيع أن يرفع مسمار ؟

حاول وفكر ضحى الأجابة *** ذاك طريق الفوز والأصابة

اوعى تقول
حيرتنا يا ابن شمساوى بلغزك .. يا ليت ألغازك تصبح مثلك!
فأنت سهل والسهل طبعك .. أعطنا خيارات ولا تلكلك!
فإن لم تكن الخيارات عندك .. أبدلها بطروح والطيب أصلك

:idea:

انا الاول هجاوب اهوة اخيرا دخلت وجاوبت اول واحدة ههههههههههههههه عشان الوزارة بس مشغولة بس هفضة للفوازير وشكرا يا مباحث لمجهودك فى الفوازير
1- أين يوجد البحر الذى ليس به ماء ؟
اكيد على الخريطة عشان دة الشيء اللى مفهوش بحر والا الخريطة تبوش ههههههههههه
2- ما هو الشئ الذى يستطيع أن يرفع أثقال ولا يستطيع أن يرفع مسمار ؟
هو البحر يقدر يشيل مراكب وسفن وعبارات لكن ميقدرش يشيل مسمار لانة هينزل تحت موش هيطفو زى السفن وبقية الثواقل

معالى الوزيرة :14#:

حل الفزورة السابقة تمام زى ما قالت وشوشنى

كده السباق مشتد بين الاعضاء والموضوع بدا يحلو

النهاردة ميعادنا مع الفزورة رقم 12

قصر الملك غرب الأهرام.. مزرعة الملك شرق الأهرام.. مات الملك.. قبر الملك شمال الأهرام
أضف حرف واحد ليُصبح قبر الملك جنوب الأهرام

اوعى تقول
حيرتنا يا ابن شمساوى بلغزك .. يا ليت ألغازك تصبح مثلك!
فأنت سهل والسهل طبعك .. أعطنا خيارات ولا تلكلك!
فإن لم تكن الخيارات عندك .. أبدلها بطروح والطيب أصلك

انووووووووووووووووووور فين كارت الشحم ههههههههههههههههه للعربية اقصد كارت الشحن لا انتوا متعرفوش الوزارة تعمل قلبان هههههههههههههههههههههههه يلا خليها علينا اهو تنشيط للذاكرة وتفكير فى حل الفوازير تسلم ايدك على الفوازير دى
وانا هجاوب تانى على حل الفزورة دى بس يا ريت يكون حلى منطقى وسليم
نضيف حرف الهاء لكلمة شمال لتصبح الجملة كالتالي
قبر الملك شماله الأهرام
أي أن قبر الملك جنوب الأهرام
مطبيعى لو فكرنا منطقى زى معالى الوزيرة كدة فكروا هاة هههههههههههه ان هو بيبين مكان قبر الملك فبيقول ان شمالة الاهرام يبقى هو فين فى الجنوب لانة ذكر كل الاتجاهات يبقى فاضل الجنوب اللى هيدفن فية هههههههههههههههه وبعدين اية كل دة مزرعة وقصر ميدفن فى قصرة هيزهقنا لية هههههههههههه والمرة دى لو صح موش هتنازل عن كارت الشحن ابدا مهما يكوووووووون ابدااااااااااااااااااااااااا هههههههههههههههههههههه شكرا يا مباحث على مجهودك فى الفوازير

معالى الوزيرة :14#:

اضفنا حرف الهاء هـــ الى كلمة قبر الملك شمال الاهرام
وبقت قبر الملك شماله الاهرام

اجابة الفزورة السابقة زى ما قالت وشوشنى وزى ما قال بريف هيرت :#161
دكتور انوش راحت فين وميجو كمان فين وحب برضوه لعل المانع خير والمسابقة سخنت اهيه :#157

وطبعا من حق الكل يشارك عادى يا عالم الفائز هيكون مين ؟

ميعدنا دلوقتى مع الفزورة رقم ( 13 )

13- سائق سيارة كان يسير في الشارع بالجهة اليمنى فجأة انحرف جهة اليسار وصعدعلى الرصيف وخبط رجل وخبط عمود مع ذلك لم يحرر له ضابط المرور مخالفة لماذا ؟

وطبعا الاجابة بتتحسب للاسرع اتمنى التوفيق للجميع

اوعى تقول
حيرتنا يا ابن شمساوى بلغزك .. يا ليت ألغازك تصبح مثلك!
فأنت سهل والسهل طبعك .. أعطنا خيارات ولا تلكلك!
فإن لم تكن الخيارات عندك .. أبدلها بطروح والطيب أصلك

ايوه كده هى دى الفوازير اللى محتاج تفكير

انا اهو ياانور موجوده

ههههههههههههههههههه طبعا مش هياخد مخالفة لانه كان ماشى مش سايق السياره

اهو اه سائق سياره بس فى الحاله دى كان ماشى مش سايق

بالتوفيق

يلا يا انور مش مشكلة بقا انا اصلا والله كل لما بدخل بلاقى الفزورة اتحلت فبقيت بكسل انى ادخل زى الاول او انى استنها
لحسن تقول يا عم دا بيحارب علشان كارت الشحن
ههههههههههههههههههههههههههههههههههه
بس زى ما تقول كدة كسل كل لما بدخل بلقيها تحلت
بس اجابت الفزورة دى
الراجل ماشى
طيب ما يعمل الى هو عاوزة برحتة
هو انت شايفوا ماشى بالعربية بتاعتوا
دا واخدها موتورجل يا عينى
تقبل مرررررررررروررررررررررررى

يا ميجو مش معاك حق حتى لو غيرك حلها متكسلش انك تجاوب انت كمان

هدف المسابقة مش كارت الشحن بس اننا ننمى العقل ووسيلة تجمعنا مع بعض اكتر واكتر

انما قولوا لى بقه ينفع ابقه احل معاكم #ht:

هههههههههههههههههههه ماشى ياانور ابقى حل بس فى الاخر هههههههههههههههه

انت لو غششتنى الحل ممكن اسيبك تحل معانا بس بعد ما انا اجاوب
ههههههههههههههههههههههههههههه
ماشى كلاامك يا انور

اية دة اية دة كل دة حصل من غير معالى الوزيرة متعرف اية اللى انا شايفاة دة وقرياة دة المنتدى بتسندة الوزارة ازاى تقول كدة يا ميجو ان بقيت تكسل دى موش من مبادئ اعضاء الشمساوية فى المنتدى الوخم والكسل وبعدين فيها اية لو دخلت وحد كان حالل تثبت وجودك زى ممكن تكون انت اول واحد تحل والكل يدخل يقول الحل وراك موش عيب يعنى مفيهاش مشكلة خالص موش هقول ساعتها انا هكسل وانا ارد لية طالما جاوب اذا انت كسلت يبقى ناس كتير هتكسل وانا اولهم هههههههههههههههههههههههه انا بهزر طبعااااااااااااااااااااااااا محبش الكسل وخصوصا انى وزيرة طبعا مينفعش للاسف ههههههههههههههههههههه
الاجابة يا مباحث هى ان الراجل سائق تاكسى بس كان ماشى موش راكب عربيتة فمحدش يقدر يدية مخالفة يعنى ممكن الواحد يكون ماشى يخبط فى اللى ماشين عادى ههههههههههههههههههههههههههههه مواطن يمارس حقوقة الدستورية هههههههههههههههههههههههه غلوش غلوش بقى بس انا هعرف السائق دة واحقق معاة فى الوزارة ازاى يسمح لنفسة يخبط عمود بينور افرض الناس اللى ساكنين فية اضايقوا ههههههههههههههههههههههههه اتس فانى شكرا للفوازير يا انوووووووووووووووووووور

معالى الوزيرة :14#:

» فوازير شمساوى الرمضانية 2010 والجائزة كارت شحن
» سلى صيامك مع شمساوى
» ألبوم صور فطار شمساوى فى رمضان 2010
» مع شمساوى اخر نكته
» فطارك مع شمساوى