حصريااااااا كرسى الإعتراف

* السؤال الأول
أ- ايه اكتر موقف محرج اتعرضله فى حياتك؟
واحدة وانا واقف على محطة المترو عاكستنى وهى واقفة مع زميلتها
والناس كلها قعدت تضحك بس اكتشفت بعد كده ان اللى كانت بتعاكسنى كانت زميلتى فى ابتدائى


ب- ايه اخر حلم حلمت بيه وانت نايم (احكى بالتفصيل)؟
حلمت انى توهت فى مكان غريب والناس كان غريبة وكانوا لابسين اللبس بتاع بغداد بتاع زمان
ايام علاء الدين ومعرفش انا روحت هناك ازاى واللى انا عرفته بعد كده فى الحلم ان انا روحت هناك
عشان فى هناك شيطان الناس كلها بتعبده بسبب خوفهم منه الا قلة قليلة وكانوا مستخبين منه فى اماكن بعيدة عنه
والناس ديه كانت مؤمنة جدا بالله انا مش عارف انا كنت فى انهى زمن
وبعد كده راجل صالح قابلنى وقالى انت هنا عشان تخلص اهل البلد ديه من الشيطان ده
مدبش عليكم انا وقتها قعدت اعيط كتير بس مع الوقت ربنا جمع بينى وبين الشيطان ده
واول ظهور ليه ادامى كان على هيئة وحش واعوذ بالله ربنا ما يوريكم منظره ولا حتى فى الحلم
المهم انا واجهته مرتين باسلحتى وهو باسلحته الحمد لله قدرت انتصر عليه مرتين
وعاوز اقولكم ان وقت لما كنت بنتصر عليه كان بيتحول لطفل صغير يا دوب بيجرى على الارض ليس الا
وفى المرة الاخيرة بعد ما هزمته جرى ورايا وهو على هيئة طفل وانا قعدت اطلع فوق مبانى واجرى فى شوارع
واطلع فوق بيوت لحد لما وصلت بالصدفة لمكان من اماكن الناس الصالحين اللى كانوا مؤمنين بربنا
بس الغريبة انى كنت بجرى وسطهم وهما مكنوش شايفنى خالص
المهم استخبيت فى مكان ضيق وعالى وكنت شايف الشيطان وهو على اول الشارع
والغريبة اكتر انه بص بعينيه مرة واحدة جابنى من اخر الدنيا زى ما بيقولوا واول لما شاف عينيا عرف انه انا
فى اللحظة ديه هو اتحول لصورة الوحش وطلع سلاح من معاه وحدفه على السطح اللى انا كنت فيه
خلصت الناس المؤمنة من السلاح وافسدت مفعوله والواضح انه كان عبارة عن غاز
وبعد لما نزلت له وجيت ابارزه لما كنت بنتصر عليه كنت بضربه فى مكان قلبه اللى المفروض ان لا وجود له
وقتها جيت اضربه بالسلاح اللى كان معايا وهو كان عبارة عن اشواك فى ايدى اليمين
لقيتها مسك ايدى ولواها وقالى ان مفعول سلاحه كان غاز وافسد سلاحى انا وللاسف هو مسك ايدى واتك عليها جامد
وبعدين والدتى صحيتنى من النوم

انا عارف ان تفسير الحلم انى المفروض اقوى ايمانى بالله وربنا يهدينا جميعا