مرة واحد ماشى مع خطيبته وآخر انسجام فقالها "عارفة ايه هو الحب وايه الجواز؟" قالته "لا"
قالها: "الحب زى النجوم الجميلة اللى فى السماء .
قالتله"طب والجواز؟"
قالها:"دى البلاعة اللى واحنا بنبص على النجوم بنقع فيها..
*************** ***
واحد متجوز وقاعد في البيت وبيبص كتير في عقد الزواج،
مراته قالت له: "بتبص في عقد الزواج ليه يا حبيبي؟"
قالها: "بأبحث عن تاريخ إنتهاء العقد
*************** **
واحد نشر في إعلانات مبوبة :مطلوب زوجة!!!
تاني يوم جاله 100 جواب فيهم نفس الرد : تاخد بتاعتي؟؟
*************** ****
واحد قاعد في أمان الله بيقرا الجرنان، وفجأة جت مراته وضربته بغطا الحلة فوق دماغه .. طرررررخ!!!
الزوج: "فيه ايه يا بنت الحلال؟ ليه كدا ؟؟؟"
الزوجة : "ايه الورقه اللي في جيب بدلتك ومكتوب عليها "سوسو"؟؟"
الزوج: "يا بنت الحلال، ده اسم الحصان اللى بنشجعه في السباق!"
الزوجه صدقته وراحت لحالها... بعد اسبوع، الزوج قاعد في أمان الله يقرا الجرنان،
وفجأة جت مراته وضربته بغطا الحلة على راسه !!
الزوج: "خير يابنت الحلال في ايه تاني؟؟"
الزوجه:"حصانك على التليفون
*************** **********
عملوا جائزة مليون
جنيه للي عنده 10 عيال.واحد عنده تسعة قال لمراته أنا كنت متجوز عليكى ومعايا ولد أروح أجيبه ونكمل العشرة ونكسب الجايزة.راح ولما رجع ملقاش العيال سأل مراته فين العيال قالتله كل عيل أبوه جه خده.
*************** ********
2 مساطيل ركبوا أتوبيس بدورين اللي فوق سال اللي تحت انتوا ماشيين بسرعة كام؟ قالوا 80 وانتوا ؟ قاله: إحنا السواق مجاش.
*************** *****
واحد ميكانيكي فتح مصنع شيكولاتة سماه كالاكسى.
*************** *******
سواق راح يحلق الحلاق بيساله : عايز شعرك ازاى؟؟؟ قاله: فى اى حته على جنب.
*************** **********
محشش جابوه للقاضي قاله لو قلتلى 10 حاجات بتعملها من ساعة ما تصحى لغاية ما تنام وتكون تبدا بحرف الالف حسيبك؟ قاله المسطول: اجيبها واحرقها وافرطها والفها و اولعها واعمرها وامخمخ انسطل اطفيها انام.
*************** *******
واحد بخيل راح يزور أمه فى المستشفى شاف على الباب مكتوب ادفع قال: خلاص ابقي ازورها لما تروح البيت.
*************** *********
واحد سنانه كلها طايرة ما عدا الانياب... قدم علي وظيفة عينوه خرامة
*************** *************
واحد مسطول بيسأل واحد مسطول ثاني: اسم دولة أوروبية لو حطيت على
أخر حرف فيها نقطة تصير اسم عالم ذرة
التاني قاله أنا غلب حماري
الأول قاله: الدولة هي قطر ولما تحط نقطة حتصير قطز
التاني قاله هو قطز عالم ذرة؟؟؟؟؟
فرد عليه الأول يعني هي قطر دولة أوروبية؟؟؟؟
*************** ************
دكتور عيون قاعد مع خطيبته في حديقه الاسماك معاه ورده قالها شايفه
الورده دي يا حبيبتي قالت له ايوه فرجع ايده لورا شويه وقالها طب وكده
*************** *******
مرة واحد توأم شاف أخوه قال له: انت فين من الصبح يخرب شكلك أمي
خلتني أستحمى مرتين.
*************** ********
شيطان ندل,عزم اصحابة الشياطين على العشاء,دخلهم الاوضة وقفل عليهم وراح مشغلهم قرأن
*************** *******
واحد رخم بيصلي وسمع إتنين بيمدحوا صلاته راح قاطع الصلاة وقالهم: وكمان صايم
الخميس 11 يونيو 2009 - 16:09
