حصريااااااا كرسى الإعتراف

الرد على أسئلة بوكو:

اكتر حاجه ممكن تجرحك؟
الخيانة من أى نوع سواء من الصديق أو غيره .

امتى دموعك تنزل؟
عندما يفارقنى شخص غالى عليا واعلم وقتها انه لا يمكن رجوعنا لعبض
سواء عن طريق السفر او الموت ا اى نوع من انواع الفراق

امتى تحس ان الحياه ملهاش وجود؟
لما احس ان كل البشر عايشة من غير لزمة ومن غير اى رأى
طالما ملناش دور فى الحياة يبقه فعلا الحياة ملهاش أى وجود

معلش هرخم عليك شويه
عايز اعرف شخصيه انور بالتفصيل الممل ؟

أنا قلت قبل كده انى مش بعرف اتكلم كتير عنى صعب على الانسان انه يوصف ما بداخله
بس هحاول: مميزاته :أنا شخصية عادية جدا - صاحب صاحبى - بحب الناس - بحب اخرج كتير اوى
شخصية إجتماعية - بحب أسيب بصمتى فى أى مكان أتواجد فيه _ أحيانا بيقول عليا أصحابى عقلى كبير والله أعلم

عيوبه: عنيد أوى _ عصبى أووووووى .

أقرب الناس ليه: ( وشوشنى - طماطم -حب - رامى سونيك - زيزو - بريف هيرت - محمود فؤاد ) .

نيجى بقه لحكاية حبه:
بس ياريت متزهقش منى بص يا عم بوكو بقه الحكاية وما فيها:
تعرف لما أنت يكون لك شخص غالى عليك أوى ورايح تشترى له هدية مثلا يوم الفالنتين او يوم عيد ميلاده
اكيد مش هتقعد فى البيت وتطلبها ديلفرى لازم هتنزل تدور عليها بنفسك
أكيد هتعب أوى هى نفس الحكاية بس الشخص الغالى عليا أوى فى الوقت ده
هو قلبى والهدية اللى هختارها له هى شريكة حياتى مع العلم انها هتكون ام لاولادى وست البيت زى ما بيقولوا
وهتكمل معايا عمرى كله زى ما بيقوله
صحيح الموضوع ده كان ليه سلبيات زى انى عرفت بنات كتير اوى بس عاوز اقول ان كل بنت عرفتها انا كنت بشرح لها كل حاجة
عشان تبقه معايا على نور م الاول وأقول لها واذا وافقت تكمل معايا اوك واذا ماوفقتش مفيش مشكلة
يمكن الموضوع ده والحمد لله خلاهم يحترمونى لاننى مكدبتش على اى واحدة فيهم وبيتعبرونى دلوقتى اخ ليهم
والحمد لله ربنا قدرنى وقدرت الاقى الشخصية ديه وانا بحمد ربنا انى فى يوم م الايام عرفتها
وانا بحبها اوى والحمد لله وكمان متاكد من حبها ليا الحمد لله .

مستقبله : معرفش أى شئ عنه الله وحده أعلم بيه .

الرد على أسئلة كيمونيس:
اية خططك المستقبلية؟؟؟؟؟؟؟؟؟؟
بص يا باشا عشان احسم لك الحكاية ديه خالص مع انى قلت قبل كده ان ربنا وحده اعلم بيها
بس انا هريحك انا خططت قبل كده انى اكون ظابط طيران وديه كانت اولى امنياتى
وللاسف وقفت على واسطة زى ما انت فاهم انت فى مصر بلد المساواة
وبعدين خططت انى اكون مهندس معمارى بس المرة دى الحمد لله رفعوا التنسيق فووووووق
مع العلم ان مجموعى كان يدخلنى جامعة اسكندرية وانا مرتاااااااااااح كلية هندسة
بس رفعوا التنسيق فى السنة ديه ومن ساعتها بقه يا عم كيموننيس وانا بطلت اخطط
قلت اجرب اعيشها كده واللى عاوزه ربنا هو اللى بيكون فى الاول والاخر غصب عنى او برضايا


ناوي تتقدم للي بتحبها امتى؟؟؟؟؟؟؟؟؟؟؟؟؟؟
إن شاء الله أول لما أكون جاهز
وأنا أهوه بجهز فى الشقة حاجة حاجة ولما تخلص
وأتوظف أكيد وقتها هروح أتقدم وانا متطمن
لان طبعا مينفعش أروح وأنا كده ولا أيه يا كيمونيس يا كبير

الرد على أسئلة زيزو
انورررررررررر حبيب هارتى
هسالك شويه اساله كده على الماشى
1- لو خيروك بين حيبتك ومامتك تختار انى فيهم ؟ ملحوظه شخص واحد بس هو الى تختاره
أكيد طبعا لو أى حد مكانى هيختار والدته واكيد اكتر ان اللى انا بحبها كمان هتكون فاهمة انى لازم اختار كده
والكلام ده مش معايا انا لوحدى ده مع أى انسان فى الدنيا اعتقد ان سؤالك كان غلط من الاول يا زيزو

2- ايه اكتر حاجه حصلتلك وبكيت عليها بكاء شديد ؟
وفاة والدى ربنا يرحمه ويرحم جميع أمواتنا المسلمين

3- انت بتقول انك مش بتفكر فى حاجه دلوقتى وسيبها على ربنا طبعا ونعمه ب الله بس المفروض انت تبقى محدد حاجه لهدفك علشان
مستقبلك مش عايش وخلاص علشان على الاققل يبقى فى هدف النجاح واله ايه ؟

بص بقه يا عم زيزو انا مش هرجع فى كلامى اللى انا قلته قبل كده
انا حقيقى مبقتش بخطط لحياتى لان زيى ما انا قلت خططت لها قبل كده اكتر من مرة وفشلت
انا حقيقى عايش من غير ما اخطط لها لانى زى ما قلت اللى عاوزه ربنا هو اللى بيكون غصب عنى او برضايا
ملحوظة هامة جدا: مش معنى انى مش مخطط انى مهمل لاء انا بعمل اللى عليا وبحاول اكون كل يوم افضل من اللى قبله
واكيد لكل واحد مننا فى حياته مطبات بتقابله ودروبات بتواجهه ولازم يتغلب عليها ويوقف من جديد
هو ده كان ردى عليك يا زيزو

الرد على أسئلة هنا :
اية اكتر حاجة انت بتحبها يا انور في الدنيادة ؟؟؟؟؟؟؟؟؟؟
لو حاجة واحدة بس هتكون طبعا ( أسرتى ) ده طبعا بعد حبى لله سبحانه وتعالى وللرسول عليه افضل الصلاة واتم السلام


واة اكتر حاجة انت مش بتخاف منها ولية بتخاف منها ؟؟؟؟؟؟؟؟؟؟
بصراحة انا مش فاهم السؤال ازاى مش بخاف منها وازاى ليه بخاف منها؟؟؟؟
ياريت توضحى يا هنا انا اسف بس بجد مش فاهمه

الرد على أسئلة تياتنيك:
ماذا عن رأيك في الأشخاص الذين يتخذون الحب ستارا لجرائمهم ؟؟؟؟؟؟؟؟؟؟؟
أشخاص لا يستحقون الحياة إطلاقااااااااااااااااااااااااااااااااااااااا

هل من الممكن أن تحب أو تعجب بأكثر من شخص في نفس الوقت؟؟؟؟؟؟
لالالالالالالالالالا اللى بيقولك انا بحب اكتر من واحدة يبقه بيكدب على نفسه اكتر ما بيكدب عليك
عم فالنتينو بقه النوعية ديه وقت ما بتعمل كده تقولك مش قادر استغنا عن الاتنين
وفى الحقيقة ان هو اتعود على وجود الاتنين معاه او اكتر من اتنين يعنى

هل أنت من الناس اللذين يحبون بسرعة؟ ؟؟؟؟؟؟؟
لالالالالالالالالالالالالا باخد وقت كبير جدا لانى كنت متخذ قرار ان اللى هقولها كلمة بحبك
لازم تكون من قلبى ولازم تكون انسانة بجد هتحافظ على مشاعرى وتقدر حبى ليها وتحافظ عليه
والحمد لله مطلعتش الكلمة منى الا ليها هى وبس وديه حاجة انا فرحان بيها جداااااا

هل مريت بتجربه مؤلمه مؤسفه بحيث أصبحت تخاف بأن تفقد
الأشخاص الذين تحبهم؟؟؟؟؟؟؟؟؟؟؟؟؟؟؟؟
أنا مريت بتجارب كتير بس مش مؤلمة ومؤسفة كانت كلها تجارب مفيدة

·هل تشعر بالخوف من عدم النجاح، على الرغم من محاولاتك؟؟؟؟؟؟؟؟؟؟
طبعااااااااااااااااا خايف جدا من اللى مستخبى لى بكرة وبدعى ربنا
انه يسهلى طريقى

الرد على أسئلة bidoo_ma3:
1- ايه اكتر صوت بيزعجك ؟
صوت الغراب

2- لو انت رئيس الجمهوريه هاتعمل ايه للبلد؟
هههههههههههههههههههه
كل اللى اقدر اقولهولك انى هعمل كل حاجة تخلى قلوب الناس فرحانة
ونظرة عينيهم سعيدة ودايما فى ابتسامة
واكيد هعمل على انى اجمع كل العرب تحت اسم دولة وحدة وهسميها الدولة العربية المتحدة
وهيكون ليها جيش وكل حاجة يتم استخدامه فى وقت الحرب على اى دولة عربية
طبعا اول عمل ليها هيكون تحرير الدول العربية المحتلة
اكيد كل ده مش هيتحقق لانى مش رئيس جمهورية هههههههههههههههههههه

3- لو انت قاعد مع حبيبتك وعدى حد ورمى كلمه قبيحه او اتصرف تصرف يضايقك وطلع يجرى هاتعمل ايه؟
طيب ما هو جرى وخلاص هعمله ايه يعنى
ملحوظة : أيه اللى هيخليه يرمى كلمة قبيحة وأنا قاعد محترم وخايف على اللى معايا اكتر ما انا خايف على نفسى
لانها امانة ولا كلامى غلط

4- لو لاقدر الله حصلت بينك وبينها مشكله وماينفعش تتحل الا بأنكوا تسيبوا بعض هايكون ده تأثيرة ايه عليك؟
بس انا بحمد ربنا على انى اول حب فى حياتها وده حسسنى زيى ايه اشرح ازاى ازاى
اقولك يا سيدى: زى بالظبط ما بتشترى قطعة أرض فارغة تماما بتبتدى انت بقه تبنى عليها
كل حاجة حلوة عشان وقت لما تحتاج حاجة منهم مش هتلاقيها الا معاها هى
اعتقد لما انا ابنى كل ده وحد يجى ياخده غيرى اكيد هيكون احساس رهيب اوى
بس هتمنى لها كل خير من قلبى وكفاية انى واثق من حبها ليا ومن حبى ليها
واكيد هى هتفتكرنى بكل خير بس اكيد هقف وقفة جامدة اوى مع نفسى


عاوز اقولك انى تحت امرك فى اى وقت يا رياسة وانا مش ممكن ازعل منك
انت شخصية محبوبة اوى مننا يا بيدو

على فكرة يا بيدو انت تعرفنى كويس اوى
انا انور اللى كلمك على الايميل وقالك اغير لك النيك نيم بتاعك

واضح انك مصمم على السؤال التالت
وانا هريحك

لو انت قاعد مع حبيبتك وعدى حد ورمى كلمه قبيحه او اتصرف تصرف يضايقك وطلع يجرى هاتعمل ايه؟
لو الشخص ده قريب منى وانا واثق انى لو جريت هجيبه يبقه هجيبه
بس عن شرط انى مبعدش بقدر الامكان عن البنوتة اللى معايا
احتمال يكون ده كمين معمولى عشان حد يعمل اى شئ يضرها

اما بقه لو هو بعيد وطبعا هيكون مش كمين هقعد فى مكان بتاع 10 دقائق عادى خالص
واى حد هلاقيه بيبص لى هبص له لحد لما يدور وشه انا مبتفرقش معايا
طالما انا معملتش اى شئ غلط او عيب ومبتكسفش الحمد لله يعنى
وبعد العشر دقائق دول هقوم اقعد فى مكان تانى