لو ده حصل ؟!!!

السلام عليكم

كل عام وانتم بخير بمناسبة شهر رمضان المبارك :#150

هدخل فى الموضوع على طول

لما بقعد فى المنتدى احيانا بتابع برامج جميلة اوى من راديو محطة مصر

قلت احاول اجيب حاجات مهمة منهم واهى هتبقه ادامنا باستمرار ونقدر نتناقش فيها

زى ما احنا عاوزين ونقدر نضيف ونشيل اللى احنا عاوزينه يعنى نبتكر من عندنا

انا فكرت فى حاجة حلوة وكانت ممكن تتنفذ بأكثر من طريقة

اولهم انى اجيب ضيف واتحاور معاه فى رمضان ويبقه برنامج

وثانيهم انى اطرحه كموضوع للكل وهو ده اللى هيحصل

الموضوع ده للجميع كل يوم هجيب لكم سؤال غريب جدااااااااااااااااااااا

وهحتاج ان كل عضو يدخل الموضوع يرد عليه ودى امانة بينه وبين نفسه

وياريت بلاش اى تحيد او تحيز يعنى البنات ميبقاش فى تحيز لنوعهم

والشباب هكذا لان الاسئلة متعلقة بالطرفين

واول سؤال معانا النهاردة بيقول

1_ هل يمكن للمرأة أن تشغل منصب القاضى فى المحاكم ؟

مستنى ارائكم وردودكم يا شمساوية ورمضان كريم :#150

عادى

الموضوع هايل جدا يا احمد تسلمو

اولا احب اوضح بانه قانونا لا ينص القانون على ان يشغل منصب القاضى او الحاكم او حتى وكيل نيابه امراه

ثانيا لا ينص ايضا على ان يشغل منصب رئيس و زراء او رئيس الدوله امراه

من الجهه العاطفيه و الجهه الذكائيه الرجل اعلى من المراه نسبيا من تحكم بالعاطفه و الاعصاب

بالعاميه علشان حقوق المراه و المجلس الدولى لحقوق الانسان مصر سابت للمراه المناصب الى شبطت فيها
علشان ميقولوش فى تفرقه لكن لحد المناصب المهمه الرجاااااااااااااااااااااله ثم الرجااااااااااااااله و السيدات !!!!!!

:bounce:

قولنا من غير تحيز يا رامى

وبريف داخل يقولك عادى طيب موضحش عادى ليه

ههههههههههههههههههههههههههههههه

هو ممكن بس انا مبأيدش ده اوي لان عادة المرأة بتحكم بمشاعرها فممكن تلاقيها اتعاطفت مع المتهم وصعب عليها
بس ده مش معناه انها هتطلع المتهمين براءة عشان صعبوا عليها
لانها لازم تحكم بحسب القانون الموجود وهتشوف الادلة اللي قدامها وتطبق في القانون وبكده هتكون نفذت عملها على اكمل وجه

انا هقول عادى ليه بس كنت مستنى الرد
اولا مسالة المشاعر والاحاسيس عمرها ما بتبقى فى الشغل احنا فى بعض الاوقات بنشوف موظفات غايه فى البرود اقرب ما فيها واحنا بنشترى العيش من اى كشك مثل او حتى بنعمل بطاقه فى اى مكتب او اى حاجه تانيه كل ما بيزيد مع الفرد مسئوليته بيزداد معاها تحكمه بنفسه والا مكنش بقه لائق بكدا انا مش متحيز لا للسدات ولا للرجاله كل ما فى الامر مسالة انها لو لائقه بكدا هتنفع وهتبقى كدا لكن احد دلوقتى مش لقوا حد كدا ده فى مصر لكن بره مصر مسالة المشاعر والاحاسيس والتحكم بالنفس بتبقه صعبه قوى لان فى بعض الاماكن الاخرى السيدات بيشتغلوا فى مجال التشريح وده اقرب ما يكون الا عدم اتزان الاحساس او حتى القدره على الاستمرار ومع ذلك بيعملوا وفى بعض الاوقات بكفاءه اعلى المهم فى كدا هل هى او هو قادر على شغل هذا المنصب وفى نفس الوقت يستطيع ان يتخطى بيه اى نوع من انواع المشاكل
يعنى منصب زى رئيس الجامعه اهو اشبه او مقام وزير وفيه قرارات ممكت توصل بينا للحسميه واهو فى فى مصر فى بعض الاوقات سيدات كانوا رؤساء جامعات
معتقدش ان الفرق دلوقتى وفى عصرنا بقه كبير قوى