ابــوك مــاااااااات يـا بــوحـه

كل سنة وانتم طيبين يا جماعة
ورمضان كريم

انا عايز اتكلم معاكم فى نقطة مهمة جدااااا
لية حال التعليم فى مصر بقى كدة
لية لما تخلص اعدادى تلاقى الدنيا كلها بتقولك يابنى ادخل صنايع مستقبلها احسن
وتلاقى اقسام الالكترونات والكمبيوتر اعلى من الثانوى العام وتحس انك خلاص
بقيت بشمهندس يا دكتور واول ما تخش تعرف انك بدات طريق الظلمات
يعنى محكوم عليك بعدم اخذ حقوقك نهائيا ولما تيجى تقول لية يا جماعة
يكون الرد .

ابوك مات يا بوحة

لية لما تدخل الصنايع وتطحن نفسك مذاكرة نهار مع ليل فى مواد متتفهمش اصلا ومتعرفش اية علاقتك بيها
مثلا تكون قسم كمبيوتر تلاقيك بتدرس كتاااب كبير عن المخارط وكتاب اكبر عن التليفزيون وكتاب تانى عن الراديو
وتعرف كل واحد بالتفصيل الممل وفى نفس الوقت تاخد ال 3 سنين متشوفش الكمبيوتر غير فى الامتحانات ويقولك افتح الجهاز واقفلة
وتروح تاخد دروس وتطحن نفسك عشان تجيب مجموع يدخلك كلية عليها القيمة وفى الاخر تعرف انك ملكش غير كليتين مفيش غيرهام
واحدة بتاخد من 99.5 ودى هندسة والتانية بتاخد من 95 ودى تعليم صناعى ولما تيجى تتكلم يكون الرد

ابوووك ماااااااات يا وبوحة

لما يكون مجموعك 89 فى الصنايع بعد تعب 3 سنين ومجهود ومصاريف تلاقى التنسيق بيقولك عفووووووا لقد رفص رصيدكم من فضلك غور فى اى معهد سنتين وانت اصلا تبقى مستنى فى البيت على احر من الجمر وتقول دى كلية هندسة هتعملى فرح وتقول علية الطالب المثالى ويجيلك الجوا وتلاقى نفسك رايح معهد سنتين بيبدا من 65 الى 90 يعنى تتساوى بحد مكنش بيفتح كتاب وكفاية علية ياخد دروس وخلاص ويجبهم مرتاح لما تيجى تتكلم يكون الرد .

ابوووووووك ماااااااات يا بوحة

لما تبقى جايب 89 % وتدخل معهد سنتين من صنايع وتلاقى واحد صحبك دخل ثانوى وجاب 70 ولا 75 ودخل كلية تعمل اية
لما تلاقى كل وزارة التربية والتعليم بتعامل طلاب الصنايع على انهم يحمدو ربنا انهم خلوهم يتعلموا اصلا وتلاقى طلاب الثانوى الفاشل فيهم بيدخل كلية مرتاح ولما تيجى تتكلم يكون الرد

ابوك ماااااات يا بوحة

لما تيجى تتصل بالرقم الرئيسى للتنسيق عشان تسال عن شئ فية اول سؤال بيتقال انت ثانوى عام ولا صناعى بتقول بكل فخر انا صنايع يا بية يقولك عفووووووا الخدمة دى لطلاب الثانوى العام فقط لو عايز تستفسر عن حاجة اطلع على مكتب التنسيق وتلاقى صحبك بتاع الثانوى وهوا قاعد فى بيتهم بيعرف كل التفاصيل بالتليفون ولما تيجى تتكلم وتقول لية بتعملوا فينا كدة يكون الرد

ابووووووك مااااااااااات يا بوحة

ولما تيجى تقول خلاص ارضى بنصيبى واكمل فى المعهد بتاعى يمكن ادخل هندسة حلم عمرى وهم بيقولو انها سهلة من هنا مش عايزة مجموع كتير 99 بس وتشد حيلك فى المعهد وتذاكر وتتحمل غلاسة المهندسين ولماضة الدكاترة وتجيب مجموع حلو 90 تلاقيهم بيقلولك
عفووووا منقدرش ندخلك كلية فى مصر لازم تروح اقاليم شد الرحال على بنى سويف وتعايش يا معلم ولما تيجى تقول يا جماعة حرااااام لية بتعملوا فينا كدة دانا المفروض ادخل كلية فى مصر يكون الرد

ابووووك ماااااااات يا بوووووحة

ولما ترضى بالنصيب وتدخل الكلية على اساس انك هتدخل من سنة تانية لانك داخل من معهد وانت صنايع خمس سنين تلاقيهم مستنينك على الباب ويقولك عفووووا القرار دة اتغلى يا معلم ادخل من اولة امال هنخليك تكرة نفسك ازاى عايز تسبنا وتخلع على تانية لا لازم نطلع عينك فى اولى الاول ونخليك تكرة حياتك وتنسى الستنين اللى قضتهم فى بلدكم ولما تيجى تقول حراااااام لية القرار يتلغى على حظى انا تلاقى الرد جااااااااااهز

ابوك مات يا بوحة

اسف انى طولت عليكم بس هيا دى حكاية بوحة مع التعليم المصرى

انت بتقول الحقيقه كامله على فكره واللى بتقولى عليه ده حصل معايا فعلا

كلامك كله صح يا مانو مفيش فيه ولا كلمة غلط

وموضوع هايل جدا ويارب نتقدم بقه ونلاقى حل

بس انا من رايى انه لازم يكون حل جذرى

لازم حد من الشباب الىل عاش المرحلة دى

يكون وزير تعليم عالى ووزير تربية وتعليم

عشان نقدر نغير اللى احنا حسناه

وبعدين ما انت عارف كله بيرسم على الخاص والظاهر ان احنا هنبقه قطاع خاص قريب

Brave_HearT كتب:: انت بتقول الحقيقه كامله على فكره واللى بتقولى عليه ده حصل معايا فعلا

شكرا يا محمود ونورت التوبيك

شكرا يا مانو موضوعك هايل وفى الصميم بجد وانا بفكر انى اعرض على الرئيس فكرة انور ههههههههههههههههه جايز تنفع واهو كلة لصالح الشعب عشان زى منتوا عارفين الوزارة ليها سلطة برضة بس موش سلطة فواكة او خضار ههههههههههههههههههههههه سلطة فى الدولة هاة اظن مفهوم ومشكور يا مانو على مجهودك اوى

معالى الوزيرة :14#:

ANWaR كتب:: كلامك كله صح يا مانو مفيش فيه ولا كلمة غلط

وموضوع هايل جدا ويارب نتقدم بقه ونلاقى حل

بس انا من رايى انه لازم يكون حل جذرى

لازم حد من الشباب الىل عاش المرحلة دى

يكون وزير تعليم عالى ووزير تربية وتعليم

عشان نقدر نغير اللى احنا حسناه

وبعدين ما انت عارف كله بيرسم على الخاص والظاهر ان احنا هنبقه قطاع خاص قريب

ربنا يخليك يا انور نورت المهزلة وفكرتك حلوة بس مستحيلة عارف لية عشان احنا شعب بنموت فى الكوسة

washwshny كتب:: شكرا يا مانو موضوعك هايل وفى الصميم بجد وانا بفكر انى اعرض على الرئيس فكرة انور ههههههههههههههههه جايز تنفع واهو كلة لصالح الشعب عشان زى منتوا عارفين الوزارة ليها سلطة برضة بس موش سلطة فواكة او خضار ههههههههههههههههههههههه سلطة فى الدولة هاة اظن مفهوم ومشكور يا مانو على مجهودك اوى

معالى الوزيرة :14#:

شكرا ليكى انتى يا معالى الوزيرة بجد نورتى المهزلة بس معتقدش ان الريس هيهتمل بفكرة انور او بحالة الشباب لان الاهم عندو السلطة بمختلف انوعها ( كتر السلطة وافرم الشعب )

تحياتى