اجهزة البنات والشباب

اولا جهاز البنت

من النظرة الاولى من بعيد للشكل العام للجهاز

تلاقى
1-الجهاز نضيف ومرتب وحواليه دباديب او عرايس او لعبها وتلاقيها لازقة عليه
صور فراشات او صور رقيقة وقلوب وحجات كلها دلع ورقة وتلاقى كرسيها نضيف
وسليم وشكلة حلو ومحطوط بشكل صحيح ادام المكتب

2-تفتح الجهاز تلاقى صوت نغمة رقيقة مع فتح الجهاز وحاطة خلفية صورة رقية شخصية
ليها او صورة بنت جميلة او وردة

3-تقلب فى الملفات تلاقى اسماء الملفات عندها جميلة زى

صور اطفال
صور فساتين
صور موضة
افلام رومانسية
اغانى عاطفية

4-تفتح الهيستورى بتاع الجهاز تلاقيها كانت مشغلة حجات زى

فيلم تيتانيك
مواقع نكت
مواقع موضة
قهوة كتكوت
اغنية تملى معاك
اغنية بهواك
مواقف كوميدية

5-تفتح الميل بتاعها تلاقيها حاطة نك نيم رقيق زى

بنوتة شقية

6-لو دققت شويه فى تاريخ تسطيب الويندوز ممكن تلاقى الويندوز شغالة معاها
من حوالى 7 او 8 شهور متغيرتش

7-تيجى تشم ريحه الجهاز تلاقى رحتة برفان جميل

8-ولما تيجى البنت تقفل جهازها تلاقيها قفلت الحجات الى مشغلاها حاجة حاجة
وبعدين تدوس شت دوان وتسمع نغمة رقيقة
والجهاز بيقفل




-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-



نخش على اجهزة التماسيح


من النظرة الاولى للجهاز ووضعه من بعيد تحس انك داخل على حاجة
شبة التوكتوك الى عامل حادثة ومطلعينه من ترعة
تلاقى

1-الكيس مفتح من كل ناحية وفيها خروم غريبة ولو بصيت جواها تلاقى فيها حجات
ومواد غريبة غالبا ممكن تكون مشتعلة وملهاش اى علاقة بالجهاز

2-وتلاقى الهارد متعلق زى الدبيحه من السلك بتاعه ومتعرفش لية

3-وتلاقى كمية وصلات عجيبة داخلة وخارجة من الجهاز ومش بعيد تلاقى
متوصل معاهم خرطوم مية

4-وتلاقى باب السى دى مفتوح من غير اى داعى بالرغم من انك تحاول تقفلة
هتلاقيه بيتفتح تانى لوحدو

5-الشاشة ممكن متلاقيش قعدتها اصلا
وممكن متلاقيش غطاء الشاشة الخلفى برضو كنوع من انواع التهوية
ولسعات سجاير وطفاية فى كل حته من الجهاز

6-وتلاقى الكى بورد سلكها ملحم فى بعضه وزرار الانتر وبعض الازرار المهمة
غالبا مش هتلاقيها

7-وبالنسبة للكرسى ده لو لقيت كرسى او حاجة شبه الكرسى هتلاقيه مليان
بقع شاى وسجاير وغالبا هتلاقيه واقف على 3 رجول بس

8-تيجى تفتح الجهاز وتدوس على زورار الباور ده لو لقيتة وملقتش سلكتين
تلمسهم فى بعض عشان الجهاز يشتغل زى عربيات مكروباص الترامكو

9-يجى الجهاز يشتغل تسمع صوت كركرة غريب واصوات تانية شبيهه بالطرقعة المكتومة
تعدى

10-كل ده وتبتدى الويندوز تفتح تسمع صوت نغمة الويندوز نغمة غريبة الجماعة
بتوع ميكرو سوفت لو سمعوها هيبطلو ينزلو نسخ للشرق الاوسط تانى

11-تفتح الويندوز تلاقيه حاطط خلفية ثعبان او جمجمة مرعبة او صورة غريبة ليه
هو واصحابة تفكرك بالمخلوقات الفضائية
الى جاية من عالم غريب

12-تدخل تقلب فى الملفات تلاقى اسماء الملفات غريبة وعجيبة

حشحش
دحدح
بتنجانة
صور معيز
صور حوادث
مصارعة

و 70% من الملفات هتلاقيها تحت سلسلة اسماء

New Folde11
New Folde12
New Folde13
New Folde14
الى ما لا نهاية

13-تفتح الهيستورى بتاعه تلاقى اخر حجات شغلها زى

ديد سيلنت
صور مصارعين
اسماء مواقع تخاف اصلا تخشها
نكت حشاشين

14-تفتح الميل بتاعه تلاقيه حاطط نك نيم يرعب البنات

الشيطان 10
البجح
سفاح المعيز
كمبورة
عاشق الموت

15-لو دققت فى تاريخ تسطيب الويندوز ممكن تلاقيه مسطبها قبل متيجى بساعتين

16-طبعا ريحه الجهاز هتلاقيها شبة متور العربية المحروق

17-ولما يجى يطفى الجهاز لو فاتح ايه ميقفلهمش واحده واحده لا شد الكابل على طول
من غير تفاهم اكنه بيعزب كافر
لانه طبعا ميعرفش حاجة اسمها امر شود داون

كمان لو فى فلاشه يا لهوى
فلاشه البنت نضيفه ورحتها حلو وبالغطا بتعها وفى علبتها

اما فلاشه الشباب
طالع عينها مكسوره ومن غير غطا اصلان وتحس ان قطار معدى عليها ومفرومه[center]
منقول

يارب التوبيك يعجبكم

ههههههههههههههه تحفه ياحسناء

ميرسى لردك ياياسمين

هايل يا حسناء بس انا اعرف بنات بيحطو الاكل علي الكيب ورد
ولما يحبو ينضفوه بينضفوه بالاسيتون
ولما بيبقي ...............
ولا بلاش لياسمين تعرف ان الكلام عليها هي
هههههههههههههههههههههههههههههه

هههههههههههههههههههههه
قولى كمان وكمان انتى عرفتى الكل
ميرسى لمرورك

اشطة على الموضوع

لا كدة بقا دا انتى تعلنى حرب بين الشباب والبنات

بقا احنا كدة
ماشى ماشى
اصلى يا حسناء

هههههههههههههههههههههههههه
دى حقيقة ولا لا

بقى كدا يافاطمه طلع سرى فى بيييييييييييييييييير
فضحتينى

بقى كدا يافاطمه طلع سرى فى بيييييييييييييييييير
فضحتينى

ههههههههههههههههههههههههه
ههههههههههههههههههه
ههههههههههههه
عادى احنا سر وغطا عليكى

هههههههههه والله العظيم جامد وعندك حق فى كل كلمه
قولتيها رائع يا سوسو

ميرسى ياحبيبة قلبى

ههههههههههههههههههههههههههههههههههه
لأ بجد موضوع جامد
في تقدم دائم

طبعا
ميرسى ليكى ياtamtm

شكرا ليكى ياتويتى