حصريااااااا كرسى الإعتراف

الرد على اسئلة MEZONA11

ايه اكتر شخصية فى الشباب شدتك واكتر شخصية فى البنات شدتك من اول ما بداتى تتعرفى على الناس فى الكلية واية فى الشخصية دى شدتك ليها ؟
هوعامة الشخصية اللي بتشدني في الشباب الشخصية المحترمة
وفي البنات الشخصية الجدعة
باختصار الشخصية اللي ممكن تشدني في حد الشخصية اللي بتحسسني انها مميزة عن الباقي

اية اكتر حاجة بتحبيها فى نفسك واكتر حاجة مش بتحبيها ؟
ممكن الحاجة اللي بحبها في نفسي الصراحة مع ان الكل معارضني ويقولوا انها عيب فيا على اساس اني بقول اللي عاوزة اقوله في وش الشخص احسن لما اقولها من وراه حتى لو كانت هتزعله
اما الحاجة اللي مش بحبها فيا اني ممكن اي حد يعصبني انا مش في طبيعتي اتعصب بس لو حد استفذني هاتعصب
وممكن تقول حاجة تانية اني لو لقيت حد بيعاندني هعانده فالعين بالعين والسن بالسن والبادي اظلم

لا مش صح
انا قولت حاليا مبحبش حد
بس هاجاوبك وكاني في الموقف ده
ممكن ابعد في حالتين او لما تحصل الظروف دي :
1 - لو وجودي هيسبب مشكلة وانا مرضاش ليه كده
2 - انه يبعني او يقولي نفركش
واكيد الحاجة اللي هحبها صراحته
والحاجة اللي هتدايقني عدم اهتمامه
واكيد مش هازهق منه الا لو بطلت احبه او هو اتغير معايا

قولهم

يلا يا جماعة خلاص شطبنا

بيتك بيتك يلا

هههههههههههههههههههههه

الرد على اسئلة حسام المصري

الله ياجماعة هي نغم اللى على كرسي الاعتراف
ومالك فرحان كده ليه
فرحان فيا يعني

ممكن اشارك معاكم

انا اول مرة اخش الموضوع مع اني عارفة من منتديات اخري بس قولت اجربة معاكم
جاي تجربه على حظي

اسئل شوية بس اسئلة على قدي

عندك كام سنة؟
هكمل ال 19

تاريخ ميلادك باليوم والشهر والسنة؟
2/4/1990

مش هقول اسم حبيبك بس هقول اول حرف واخر حرف والحرف اللى في النص؟؟؟
حراااااااااااااااام عليكو كل اللي يدخل يسالني السؤال ده زهقت خلاص
ههههههههههههههههههههههههههههههه
هاقولك انا قولت مبحبش حد حاليا

عدد اخواتك؟
2

ممكن تحكمي على شخص من خلال موقف واحد وحش؟
لا لو موقف واحد لا طبعا يعني هاسيب كل اللي عمله كويس وهاجي في ده
زي ما بيقولوا هاجي في الهايفة واتصدر
بس بصراحة لو لقيت الشخص ده هيظلم حد هحاول اوقفه باقصى ما عندي

مش عارف اسئل ايه تاني
لا كفايه عليك كده

عقبال يارب ما تقومي من على الكرسي وربنا يبعدني عنه
لا حرام عليك

تقبلو مروري

تقبلي اسئلتي

الرد على اسئلة bidoo_ma3

انا بقى هاسألك بقالى كتير ماباسألكيش

1ـ ممكن ترتبطى بحد من جوه الكليه ؟
اه وايه اللي يمنع مادام هو حد كويس ليه لا

2- لو حد من جوه الكليه او بره الكليه جه قالك انا معجب بيكى وعايز ارتبط بيكى
و انتى اول مره تشوفيه ردك هايكون ايه ؟
طبعا سواء حد اعرفه او معرفوش هسكت ومش هاقدر اتكلم كأن الكلام خلص مالدنيا
هههههههههههههههههه
لكن يمكن بعدها احاول اعرف عنه حاجات تخليني احبه وارتبط بيه او لا

3ـ ايه اكتر موقف حصلك فى الكليه ؟
اكتر موقف من حيث ايه

4ـ مين المطرب المفضل ومين المطربه المفضله ؟
تامر عاشور بس
ومبحبش مطربات

5- لماا حد بيحرجك وماتكونيش عارفه تردى بتعملى ايه ؟
في فرق بين احرجني وهزأني
بالنسبة لاحرجني طبعا هحاول اداري احراجي ده في اي حاجة لانه هيبان على وشي
لكن لو حد هزأني طبعا لازم ارد واخد حقي
ولو كان حد كبير مثلا معرفتش اهزئه هشوفله صرفة
لو مثلا دكتور دايقني طبعا مش هاعرف اخد حقي فاعمله شغله على اكمل وجه واثبتله نفسي

[/quote]

الرد على اسئلة حسام المصري
مساء / صباح الخير
*-*-*-**-*-*
والله حظك كده اني دخلت اللعبة وانتي عليكي الدور

هسأل كام سؤال مستفز

محدش معصوم من الخطأ صح طب اكبر غلطة في حياتك؟؟؟اية هي؟؟!!!!!!!
معتقدش فيه فحياتي غلطة كبيرة اوي كده
يمكن اكتر حاجة عملتها وزعلت عليها
اني كان نفسي اخد ايطالي وقالولي الفرنساوي احسن وسمعت الكلام
وطبعا جه مدرس عقدني فيه وطبعا جبت 45.5 وطبعا كل الناس جابت اكتر منى وكمان الامتحان كان سهل
وممكن كمان اعتبر اهمالى في الثانوية العامة غلطة
بس كل الكلام ده مش مهم دلوقتي لاني دخلت حاجة انا حباها

طبعا الكدب عاده وحشة جداا ومكروه بين الناس

السؤال كام مرة كدبتي تقريبا؟؟؟ يعني كتير قليل مفيش خالص؟؟
اكيد كل حد بتضطره الظروف للكدب
بس طبعا عمري ماهاكدب عالفاضي والمليان
فيه اسباب بتستدعي الكدب
زي اني اخبي حاجة على حد لان الحاجة دي مكن تزعله
او اني مرضاش اقول حاجة لان شايفة ان ده مش وقتها
وممكن مرضاش اقول الحاجة دي لان حد مامنني عليها
يعني حاجات بسيطة مش حاسة انها تعتبر كدب
بس في العادة مبحبوش لان الكدبة الصغيرة هتكبر وتكبر وبعدين تسبب مشكلة كبيرة وده بنشوفه في كتير من المشاكل
وعلى ايه كل ده منقول الصراحة وخلاص
وبعدين هنخاف من ايه مدام احنا في السليم

طب لو حصل وكدبتي اكبر كدبة ايه هي ؟؟؟ وكانت ليه ؟؟؟ ده اتنين في واحد
مش شايفة ان فيه كدبة كبيرة حصلت في حياتي كلها زي انا قولت بتبقى حاجات تستدعى كده وبتكون بسيطة

احلي واللذ وجبة ممكن تحبيها مووووت؟؟ وايه العكس ؟؟؟
ممكن المحشي والمسقعة والبيتزا والمكرونة بالبشاميل وطبعا الفول والكشري
اما اللي مبحبهاش اللحوم الا لو كانت مفرومة والفراخ

مشروبك المفضل ؟؟؟
انا بحب العصاير كلها والمشروبات بس مبحبش الشاي والقهوة

احلي فيلم رومنسي شدك بس عربي؟؟
عن العشق والهوي

انتي جدعة ولا لا؟؟ ده جوابة نعم او لا
مش انا اللي هاحكم بس لو حد محتاج مساعدتي في حاجة وانا هاقدر اعملها مش هتاخر

بصراحة كام مرة كنتي صاحبة مصالح مع اصحابك؟؟مش عيب اننا نكون بتوع مصلحتنا بس العيب نكون كده بس على طول
بالعكس انا مبحبش حد يساعدني في حاجة مادام هاقدر اعملها بنفسي هاعملها لكن لو احتاجت حاجة هاطلبها ماللي اعرفهم كويس وعارفة انهم عمرهم مهيعتبروها مصلحة


الندالة محدش خالي من مواقف الندالة

عاوز اعرف موقف ندالة اتعمل فيكي وموقف انتي عملتيه بس يكونو اكبر موقفين؟؟؟
مفيش مواقف تستدعى الذكر
بالعكس لو فيه مواقف ندالة هتمحيها كل الحاجات الحلوة اللي بيني وبين اصحابي
بس ممكن لو اتضايقت شوية من حاجة وقعدت اقولهم نروح ومرضيوش اروح ماشية وسايباهم

رتبتك بين اخواتك؟؟؟ مش جندي مجند لا الصغيرة الكبيرة المتوسطة هما 2 غيرك صح
الكبيرة

بنتين ولا ولدين ولا ولد وبنت وبتحبي مين اكتر من التاني وليه ؟؟؟ 2*1 يعني جوابين
ولد وبنت واكيد عمري ما هاحب حد اكتر مالتاني

اجمل مكان بتحبي تروحي فية وبتحسي ايه وانتي فية؟؟؟
المصيف عند البحر
بفضل يومها قاعدة في البحر مبطلعش بجد وبتبقي فسحة تحفة وبس اني مش عايزة امشي من هناك وان عمري ما هازهق منه

السؤال الاخير هل اسئلتي ازعجتك ولا لا مستفزه يعني ولا ايه
احكي شعورك وانتي بتشوفي اسئلتي وبتجوبي؟؟؟؟؟؟؟؟؟؟؟؟؟؟الشرح مش اقل من 3 اسطر
ههههههههههههه
طيب
بصراحة في اسئلة ملقتلهاش اجابة زي اكبر غلطة والكدب طبعا الجدعنه لان عمري ما هاقدر احكم على نفسي اكتر من اللي حواليا
وفيه اسئلة قعدت افكر فيها كتير زي الندالة لاني قعدت افتكر فيها كتير واقوةل ايه اللي حصل يا ربي
وزي اصحاب المصالح لاني بتعامل مع الناس كلها واحدة ولما ماحبش ناس تصاحبني مصلحة ماحبش برضه اعمل كده عشان شوية شوية هتخلص المصلحة وهلاقيني لوحدي
وبرضه السؤال بتاع اخوالتي عمري مافكرت انا بحب مين اكتر يعني هاقول بحب اختي شوية اد كده واخويه شوية اد كده ونوزنهم ولا ايه
وطبعا اشكرك عالاسئلة الخفيفة زي الوجبة والمشروب المفضلين والفيلم ورتبتي بين اخواتي والمكان اللي بحبه :D

خلاص مفيش اسئلة تاني عقبال اللى بعدك
هههههههههههههههههه :)
بطل شر :pirat:
افرض طلعت انت :roll:
هتشوف اللي هيجرالك منى :twisted: [/quote]

الرد على اسئلة Hoka

أنا معلش مكنتش بتابع الكرسى كتير بس لاقيتك قاعدة
و تابعت الأسئلة و مش هعلق عليها
لكن بجد ما أفتكرش إنك عصبية أوى للدرجادى بدليل إحتوائك للأسئلة اللى جاتلك و مسكتى نفسك لأنى إتعصبت عن نفسى
مش فاهمة انت بتتريق ولا بتتكلم جد

هسأل أسئلة خفيفة كدة مشاركة وجدانية لإن مواضيعك بتدل على شخصيتك و إنك حد كويس
ربنا يخليك

إنتى أهلاوية ولا زمالكاوية ولا مالكيش فى الكوورة
مليش في الكورة بس ممكن اتفرج على ضربات جزاء

مين أكتر ممثل بيعجبك
مصطفى شعبان كشخصية في الافلام وعادل امام كتمثيل

و مش هسأل مين أكتر مغنى بيعجبك لأنك قولتى تامر عاشور :-$

بتحبى نوعية أفلام إيه الكوميديا ولا الدراما ولا الأكشن ولا الرعب ولا الرومانسية
انا بحب اتفرج على كله بس بميل للافلام القديمة اكتر

إيه نوعية البرامج إللى بتتابعيها فى التليفزيون
مش بتابع برامج بس احب البرامج الكوميدية او البرامج اللي زي برنامج صبايا

إيه المسلسل إللى ؟إستحوذ على متابعتك فى رمضان
تمثيليات كتير بس الاكتر طبعا نسيم الروح عشان بطلها مصطفى شعبان


قولتلك أسألتى هتبقى خفيفة
ربنا يخليك ويخلي كل الاسئلة زي بتاعتك كده

طبعا لما تتحط هنا لازم هتتسئل اسئلة منها الرخمة ومنها الكويسة :roll:
وطبعا لازم تجاوب :twisted:
بس طبعا باشكرك تاني عالاسئلة بتاعتك
:D

هههههههههههههههههه
لاعادي
لو عايز تسال انا موجودة
وطبعا الاحسن متسالش
هههههههههههههههههه

الرد على اسئلة bidoo_ma3

بالنسبه للسؤال اللى انتى مش فاهماه يانغم معلشى فى كلمه وقعت انا

اقصد ايه اكتر موقف محرج حصلك جوه الكليه.. او بره الكليه ؟
يمكن كنت ساعتها في اولى ثانوي وكنا خارجين من المترو انا واصحابي
وماشيين نتكلم مع بعض وطبعا انا بصالهم
وفجاة وبدون سابق انذار لقيتني لابسة في العمود
وطبعا كانت الخبطة جامدة والصوت كان عالى وطبعا الناس خدت بالها
وزي مانت عارف الناس كانت كتير جدا
منهم اللي ضحك ومنهم اللي سكت
بس عن نفسي
ضحكت جدا ومبقتش قادرة اقف من الضحك
ومر الموقف على خير

1ـ لما بتحسى ان حد من اصحابك انانى بتتصرفى ازاى؟ .. فى اى حاجه بقى دراسه شغل تصرفات
طبعا مش هاغير التعامل معاه لكن هاخد بالي احاول ابعد عن المواقف اللي يبقى فيها اناني معايا
بس في العادة لو حد كده هسيبه يعمل اللي هو عايزه مادام مش هيأثر على شغلى
لان ده شغلى ومسؤليتي
ومبحبش افضل نفسي عشان ميبقاش حد ليه عندي حاجة
بمعنى احب ادي وماخدش عشان متزلش

2ـ لو انتى مرتبطه بحد وصديقه عمرك قالتلك يانا يالحد ده تختارى ايه؟.. والسبب انها حست
انك بدأتى ماتهتميش بيها زى الأول يعنى انشغلتى عنها
طبعا هفهمها انها هي الوحيدة اللي طلعت بيها مالدنيا
واني يمكن انشغلت عليها شوية
بس هاقولها خلى بالك انك برضه هيبقى ليكي حياتك وهتنشغلى عني في يوم مالايام
بس مهما حصل برضه في الاخر هنفضل اصدقاء
وهاقولها يعني انتي مترضيليش الخير
وانك المفروض تبقي سعيدة لسعادتي
واقولها انها لو خلتني اسيبه هتظلمه وتظلمني وتظلم نفسها
لاني انا مضمنش اني اتعامل معاها كويس
لانها هي اللي ضيعت الشخص اللي حبيته
واكيد عمري ما هنسالها ده
وبعد الكلام ده لو نشفت دماغها
مش عارفة هاعمل ايه
بس هي في اغلب الاحيان بعد الكلام ده هتنسي الاختيارات دي
ولازم طبعا انا احسسها باهتمامي برضه

3ـ لو اتعلقتى بحد والحد ده فى البدايه كان بيعاملك كويس وبيديكى على قد مابياخد منك وفجأه
الحد ده انقلب حاله 180 درجه وبقى يعاملك وحش وتيجى تعرفى منه السبب يقولك من غير سبب
ملحوظة: الحد ده عزيز عليكى جدا جدا .. ومش بسهوله انك تتخلى عنه حتى لو هو اتخلى عنك
لو في الحب
انا هاعلق بس على حاجة انت قولها
انت قولت بيديكي على قد ما بياخد
الجملة دي انا معترضة عليها
لاني لو بحب حد بجد المفروض ادي ومانتظرش اخد
وده مش معناه اني ادي والاقي منه لامبالاه وعدم عطاء واسكت
لان المفروض هو كمان لو بيحبني هيديني من غير ما يستني انه ياخد
فلو لقيته اتغير
يبقي اكيد انا عملت حاجة زعلته
او في حاجة ميدايقاه
او هو اصلا محبنيش مالاول وحب حد تاني
فلو هو مصارحني بحبه هساله وادور في اللي عملته واشوف انا دايقته في ايه ولو معرفتش انا عملت ايه هقوله لو انت شايف اني غلطت في حقك فانا متاسفة لكن لو انت اتغيرت من غير ما اعمل حاجة فيستحسن تشوف حد تاني لان مش هاينفع نكمل مع بعض بالاسلوب ده لان المفروض ان احنا منخبيش حاجة على بعض لان الصراحة مهمة
ولازم اقول كده لاني المفروض اني مش تحت رحمته
لكن لو مش مصارحني عمري ما هافكر اساله وهتعامل عادي جدا

ولو الحكاية دي في الصداقة
يبقى انا اكيد عملت حاجة زعلتها وهاقولها ان احنا مش عشرة يوم لا احنا اصحاب من زمان ومينفعش نخبي على بعض ولو فضلت كده هاقولها خلاص انا عملت اللي عليا وان عمري ما هتهون عليا العشرة زي ما هانت عليكي

وكفاية كده عشان انا رغيت كتير

4ـ موبايلك نوعه ايه ؟؟
سامسونج f400

معلشى طولت عليكى
لا ولا يهمك دانا اللي طولت اوي

الرد على اسئلة bidoo_ma3

بجد انتى هايله وردودك مقنعه جدا .. احييكى ومع التحيه فى سؤال رفيع ؟
ربنا يخليك عالمجاملة دي

كلنا عارفين ان نغم مش مرتبطه .. هل نغم بتفكر فى حد معين دلوقتى بمعنى اخر يعنى
فى حد معين نغم معجبه بيه او بشخصيته لمجرد الأعجاب ؟
لو عالشخصية فانا قولت قبل كده الشخصية اللي ممكن تعجبني سواء بنات او ولاد
ومش معنى ان تعجبني شخصية حد معين اني ممكن اعجب بيه او احبه
والاجابة على سؤالك لا

الرد على اسئلة ANWaR

فى البداية تحية كبيرة اوى ليكى يا نغم
بصراحة انا لسه ماقريتش الاسئلة اللى اتوجهت لك ولا الاجابات
بس انا حابب انى اسالك وبعدين ابقه اتابع اللى فات

فى وجهة نظرك:

ما هو رايك فى جواز الصالونات؟
هو كويس في اغلب الاحيان بس طبعا لو انا بحب حد عمري ما هوافق غير على جواز الحب
وكمان بيقولوا انه جواز معمر وبيفضل وقت كبير اما جواز الحب مبيعش غير وقت قليل

مكان تحبى تروحيه لما تكونى سعيدة؟
اي مكان اتفسح فيه مش شرط حاجة معينة

مكان تحبى تروحيه لما تكونى حزينة ؟
ممكن تقول اوضتي

شخص تحبى تفضفضى معاه؟
اي شخص في شلتي الاقيه فوشي

شخصية بتتابعى مواضيعها فى المنتدى؟
مش شرط حد معين بس بتابع في وقت عضو كذا وبعدها اقلب على حد تاني يعني اللي يقع في ايدي

لو صحيتى فى يوم وملقتيش اى وجود للمنتدى ده اى وجود ايه هيكون احساسك ورد فعلك؟
اكيد هتضايق شوية
يعني المسالة مسالة تعود
اني اتعودت ادخل المنتدى
فبيبقى صعب اتاقلم على حاجة جديدة

امنية نفسك تحققيها وانتى معانا ؟
حاليا مش محددة امنية معينة

حاسة انك عايشة سنك صح؟
مش عارفة
بس عامة انا سعيدة
طيب انت شايف المفروض اللي في سني يعمل ايه وانا اقولك انا بعمل كده ولا لا

رومانسية بطبعك؟
بحس كده بس بحاول اتحكم في مشاعري
واللي يحكم اللي حواليا مش انا لانهم هم اللي شايفين طبعي

وفى النهاية شكرا ليكى ديه حاجات خفيفة على بالك ما اجيلك تانى
ههههههههههههههههه