حصريااااااا كرسى الإعتراف

الرد على اسئلة محمود

النهارده السبت وبكره اخر يوم لنغم
يعنى الحق اقول حبة اسئلة اسخن بيها الكرسى شويه
ابدأ ممكن

1
ما هى التجربه التى اكتسبتى بها اجمل خبره ؟
دخولي الكلية

2
كيف تكونين جميله يا نغم ؟
في رايي ان الجمال مش جمال الشكل لكن جمال الروح

3
ماهى اجمل الصفات التى تاتى اليكى على من تلتقى بيهم فى حياتك وتعتبريهم اجمل اصدقاء ؟
التعاون وصفات تانية كتير بس اللي واضحلي التعاون اننا بنبقى ايد واحدة ومحدش يقدر يفرق بينا

4
من الصعب الشعور بالالم ماهو اكتر شخص سبب ليكى الم فى حياتك ؟ مش شرط شخص معين بس انا من النوع اللي ممكن اسكت كذا مرة وبتناسي لكن لما بتحصل حاجات كذا مرة باخد مواقف كبيرة
بمعني اني باكتم في نفسي كتير بس بييجي وقت مبقدرش استحمل


5
كلنا عاوزين نغم تقولنا لو هتحب هيكون ايه هو اول حاجه تخليكى تحبى بجد ؟
الحاجة تخليني احب شخص انه يحسسني بحبه ويعرفني كويس واكيد يقولي انه بيحبني عشان من غير الكلمة دي هبقى متعلقة ومبحبش اتعلق بحد ويطلع ميستهلش

الرد على اسئلة انور

نغم المفروض لحد يوم السبت

ا ياريت تحكى لنا عن نفسك شوية يا نغم فى سطور ؟
مش عارفة اقول ايه سؤال صعب
كل اللي شايفاه في نفسي اني انسانة عادية جدا وممكن تقول هوايتي الرسم بس لما دخلت الكلية فضلت الاشغال اليدوية وخاصة النسيج
وبحب اتعامل مع الكل كويس الا طبعا لو حد حب يغلس عليا او يعاندني فبتعامل بالمثل
وممكن تقول لو حد استفذني هاتعصب بس بهدى ممكن بعد دقيقة وارجع اتكلم معاه عادي ولا كأن حصل حاجة
وبحب اللي يتفق معايا على حاجة ينفذها الا لو حصلت ظروف هراعي ده وممكن اتحمل المسئولية لوحدي
بس الصفات انت تعرفها احسن من القريبين منى مقدرش اوصفهالك


لو ان القدر خيرك بين حبيب عمرك وبين صديق عمرك ايهما ستختارى ؟
وده بقي سؤال اصعب عمري ما اتخيل اني اتحط في المقارنة دي لان دي حاجة ودي حاجة تانية خالص مفيش بينهم اي وجه للمقارنة
فلو الاتنين بيحبوني بنفس القدر
فياما اكسبهم الاتنين ياما اخسرهم الاتنين عشان مظلمش حد وساعتها ربنا يكون في عوني لما هبقي لوحدي
وعايزة اقولك متهيالي انه حبيب العمر افضل لان الحب بيشمل الصداقة
بس عمري ما اتخيل اني اتحط في الموقف ده حتى لو الاتنين مش قريبين اوي
محبش اظلم حد ولا اخسر حد

كان نفسك تحققى ايه واتحقق وكان نفسك تحققى ايه ومتحققش؟
بالنسبة للي اتحقق كان نفسي ادخل حاجة تبع الرياضيات او الرسم ودخلت الكلية دي


فى وجهة نظرك ايهما افضل حب النت ام حب الواقع ؟
اذا كنت معترضة على صداقة النت هوافق عالحب
وطبعا حب الواقع افضل بكتير

لو خيروكى بين جواز الصالونات وجوازك لمن تحبى ايهما ستختارى مع توضيح السبب بالتفصيل؟
اكيد اللي بحبه
لاني لما هاحب حد عمري ما هارضي بغيره وده لما يكون هو كمان بيحبني
لانه لو مش بيحبني هاخد وقت شوية وهنساه والاقي الاحسن منه
وساعتها هختار جواز الصالونات

الرد على دودي مدحت

yala al7a2 asa2l na3'am shawya
hal da5lty fi tagroba fashla abl kda ?
لا

lw da5lty 5argty b eh mnha ?
انا مدخلتش بس عامة اكيد هخلي بالي اني الخطأ اللي في التجربة اللي قبلها ميتكررش

2olalna kelma tanfsk ta2oliha la 7ad bs yakon mn elwalad?
el kelma di la meen ?
مش في بالي حد ولا حاجة اقولها ولا لولد ولا لبنت حتى

2aesafy nafck mn el na7ya el 3atfya ?
مش عارفة اقول ايه بجد مبعرفش اوصف مشاعري

meen a3'la sha5s liky in ur family ? baba wla mama wla a5watk if u have
والله كلهم كويسين وعمري ماهافضل حد عن التاني

الرد على moon light

انا عندى سوال ليكى : اكيد كل واحد مننا عنده حلم ممكن نعرف حلمك اية

حلمي اني احقق امنية اهلى اني احقق حاجة في دراستي
وبالنسبالي اني ارتبط بشخص احبه ويحبني